各位會員大家好！好開心我地得到東區崇德社嘅支持，贊助我地嚟緊開設唔同嘅手工工作坊，希望可以發掘大家對做手工嘅興趣，甚至將興趣發展成為大家日嘅事業。今次嘅工作坊會同大家一齊整蝶古巴特布袋，蝶古巴特係一種拼貼藝術，將印係餐巾紙嘅不同圖案拼成大家鐘意嘅樣式，裝飾一個大約A4大細嘅手抽布袋。

活動會係5月17日(星期六)舉行，活動時間係下午2點至約4點30分，地點係愛民服務中心。參加者如需要係地鐵站接送到中心，可以係活動當日下午1點45分，係何文田港鐵站A出口(近美心餅店位置)集合。活動費用全免，歡迎本會基本及贊助會員報名參加。 

有興趣嘅會員可以係4月22日(星期二)下午3點至4月29日(星期二)下午3點，用Whatsapp或致電報名熱線2760 1162報名，每通電話可報2個人。名額12個，如果報名人數多過名額嘅話，就會進行抽籤，抽籤結果將會係 5月1日(星期四)嘅熱線中公佈。 

如果有任何查詢，歡迎致電2760 0100與服務中心職員思韻聯絡。