各位老友記會員大家好，嚟緊我地會走訪十八區，同各位老友記飲住早茶吹下水，等思韻可以認識大家，同埋了解大家嘅近況，大家又可以就住長者服務嘅發展比返D意見我地。每個區嘅長者茶聚只限住係個一區，60歲或以上嘅基本會員，其贊助會員或同行者參加。

今次我地會去九龍城區到做長者茶聚，九龍城區包括紅磡、土瓜灣、九龍城，九龍塘、何文田和啟德，住係九龍城區嘅老友記會員就要留意啦：
活動會係5月14日(星期三)舉行，我地會去土瓜灣馬頭圍道209號海悅廣場2樓嘅囍宴酒樓飲茶，參加者需要係活動當日上午9點45分，係土瓜灣港鐵站A出口(第一個英文字母)出閘位集合。我地會係大約中午12點，返去土瓜灣港鐵站解散。

收費方面，60歲或以上基本會員或贊助會員每位$45，同行者每位$85。

有興趣嘅九龍城區長者會員可於4月20日(星期日)上午10點至4月27日(星期日)下午3點，用Whatsapp或致電報名熱線2760 1162報名，每個電話可以報2個人。名額14個，如果報名人數多過名額，就會進行抽籤。抽籤結果會係4月28日(星期一)的熱線中公佈。

如果有任何查詢，歡迎致電2760 0100同服務中心職員思韻聯絡。