各位會員大家好！黎緊5月會有由康文署主辦，本會協辦嘅美式桌球同樂日。桌球呢項運動相信大家唔多唔少都有聽過，但唔知大家又知唔知桌球都有分兩種呢？分別係美式同英式兩種。大家可以透過今次呢個機會體驗下美式桌球嘅玩法同埋樂趣啦。
康文署之美式桌球同樂日 活動會喺2025年5月19號(星期一)，喺位於十二號山忠義街1號嘅何文田體育館舉行。活動時間係下午2點至4點，活動費用全免，歡迎本會嘅基本會員參加。參加者需要喺活動當日下午1點30分，喺何文田港鐵站A出口(即係第一個英文字母)近美心西餅位置集合。
有興趣嘅基本會員可以係4月22日(星期二)下午3點至4月29日(星期二)下午3點，致電或者WhatsApp報名熱線2760-1162報名，每通電話可報1個人。名額10個，如果報名人數多過名額，活動就會進行抽籤，抽籤結果將會係5月1日(星期四)嘅熱線中公佈。
如有任何查詢，歡迎致電2760-0100與職員阿Sa聯絡。