愛樂盟扶輪社瑜珈體驗班(第十六期) 會係4月26日，5月3，10同17日(逢星期六)舉行，一共4堂，時間係早上9點45分至大約11點15分 ，地點係位於九龍彌敦道 469-471 號新光商業大廈 17 樓1703 室嘅瑜心舍油麻地分館。參加者需要係活動當日上午9點30分，係油麻地港鐵站C出口大堂(第三個英文字母)集合，到時會有扶輪社義工同大家一齊去瑜心舍上堂，落咗堂就會去返油麻地港鐵站解散。

由今期開始，瑜珈班設有舊生後備補堂制度，如果有正選參加者請假，該課堂將會由後備舊生補上，會由職員再個別通知，舊生後備補堂名單可以參考返上一條抽籤通告。

思韻嘅活動電話係6354 7383，善善嘅活動電話係5628 3308。如果有任何查詢，歡迎致電2760 0100與職員思韻或善善聯絡。

提提大家，如果活動前2小時(即上午7點30分)，天文台發出黃色、紅色、黑色暴雨警告，或8號以上強風信號，活動便會取消，而3號強風信號期間，則會視乎天氣情況而決定是否取消，活動前會再以電話方式聯絡大家有關安排，敬請留意。