城市中的森林療癒之旅尚餘少量名額，有興趣同我地一齊去公園呼吸自然空氣，放鬆身心嘅會員朋友，可以繼續打嚟2760 1162報名㗎！而之前報咗名嘅會員已經全部成為正選，如果對報名狀況有任何疑問，或者唔肯定自己係咪成功報名，都可以打返嚟服務中心查詢。

活動會係4月30日(星期三)舉行，活動時間係上午10點至大約中午12點，活動地點係荔枝角荔灣道1號嘅荔枝角公園。請所有成功報名嘅參加者，記得準時係活動當日上午10點，係美孚港鐵站A出口(第一個英文字母)出閘位集合。

係到提提各位參加者，活動當日請穿適合戶外活動的衣物，請預先自行進食早餐，如有需要，請攜帶飲用水、驅蚊劑、防曬用品。由於活動當日有環節會坐係草地進行，請各位可以帶備坐墊或膠袋。

思韻當日嘅活動電話係6354 7383，善善嘅活動電話係5628 3308。如果有任何查詢，歡迎致電2760 0100同服務中心職員思韻或善善聯絡。