各位會員大家好！好開心我地得到東區崇德社嘅支持，贊助我地嚟緊開設唔同嘅手工工作坊，希望可以發掘大家對做手工嘅興趣，甚至將興趣發展成為大家日後嘅事業。今次嘅工作坊會同大家一齊整玫瑰果去唇紋護唇膏， 玫瑰果可以撫平唇紋，同時滋潤唇部。 有興趣嘅朋友仔快啲報名啦!

活動會係2025年5月6日(星期二)舉行，活動時間係下午2點至4點，地點係愛民服務中心。參加者如需要係地鐵站接送到中心，可以係活動當日下午1點45分，係何文田港鐵站A出口(近美心餅店位置)集合。活動費用全免，歡迎本會基本及贊助會員報名參加。 

有興趣嘅會員可以係4月15日(星期二)下午3點至4月26日(星期六)下午3點，用Whatsapp或致電報名熱線27601162報名，每通電話可報2個人。名額10個，如果報名人數多過名額嘅話，就會進行抽籤，抽籤結果將會係 4月28日(星期一)嘅熱線中公佈。 

如果有任何查詢，歡迎致電2760 0100與服務中心職員善善聯絡。