活動將會喺2025年4月27號(星期日)舉行。活動時間係上午9點30分至下午大約5點，參加者需要喺當日上午9點15分，喺黃大仙地鐵站D出口(即係第四個英文字母)出閘位集合，收費方面，會員每位$90，同行者每位$130，非會員每位$210。活動當日我地會喺黃大仙正德街上旅遊巴，首先會去位於打鼓嶺坪輋路188號的雲泉仙館行下同埋午膳。菜單包括︰鴻運乳豬件、雲泉大拼盤、竹笙如意翅、生菜網鮑莆、豉椒炒田螺、椒鹽素三寶、腰果西芹大蝦、菠蘿咕嚕肉、素石斑、香脆炸春卷同埋滑菇燴米綫。食飽之後，我地會乘坐旅遊巴前往導盲犬訓練學校參觀，參觀完之後，大約4點會上旅遊巴返回黃大仙正德街解散，解散時間大約5點。

另外，需要組圍嘅會員朋友請注意，我地會安排係4月8日(星期二)下午3點至4月15日(星期二)下午3點，幫正選嘅參加者組圍，大家可以致電服務中心2760 0100組圍。如果大家想同朋友仔同一張枱嘅話，請先得到對方嘅同意先至好安排組圍啊。要義工幫手嘅建議每圍8個會員，唔要義工幫手嘅就每圍12個會員，同時由於圍數較多，我地會盡量為大家作出組圍上嘅安排，有需要帶導盲犬嘅朋友記得打黎服務中心同我地職員講聲喇。
阿彬當日嘅活動電話係9512-0403。

如有任何查詢，歡迎致電服務中心2760 0100同職員阿彬聯絡。