各位港島區嘅會員大家好，黎緊我阿彬會帶大家一齊去食素。

港島素食之旅活動會喺2025年9月23日(星期二)下午3點至4點，喺銅鑼灣軒尼詩道502號黃金廣場8樓嘅大自然素食餐廳用膳，參加者需要喺活動當日嘅下午2點45分喺銅鑼灣地鐵站F出口(即係第6個英文字母)出閘位集合，收費方面，會員每位$80，同行者每位$130，非會員每位$200。

有興趣參加嘅港島分區會員，可以喺2025年9月12號(星期五)下午3點至9月17號(星期三)下午3點，致電或者WhatsApp報名熱線2760-1162報名，每通電話可以報2人，名額16個，如果報名人數多過名額，活動將會以抽籤形式進行，抽籤結果將於9月18號(星期四)熱線通告入面公佈。

如對活動有任何查詢，歡迎致電2760-0100與職員阿彬聯絡。