青少年陪你沖咖啡

各位會員朋友大家好，又有活動可以同青少年交流下喇，黎緊9月尾會同香港青年協會賽馬會紅磡青年空間合作，佢地會有10-12個青少年同大家一齊試下沖咖啡，活動當日我地會喺何文田地鐵站位置集合，再由青少年義工帶大家去位於紅磡馬頭圍道48號家維邨家興樓嘅香港青年協會賽馬會紅磡青年空間果度一齊沖咖啡，鍾意或者有興趣試下沖咖啡嘅會員朋友快D黎報名喇。

青少年陪你沖咖啡活動喺9月27日(星期六)下午2點至4點30分，喺位於紅磡馬頭圍道48號家維邨家興樓嘅香港青年協會賽馬會紅磡青年空間舉行。參加者需要喺活動當日嘅下午2點喺何文田地鐵站B出口(即係第2個英文字母)出閘位置集合，青少年義工會帶我地步行前往青年空間，活動完結後會帶大家回何文田地鐵站解散，解散時間大約下午4點30分。收費方面，活動費用全免。歡迎本會基本會員參加。

有興趣報名嘅基本會員可於9月12號(星期五)下午3時至9月19號(星期五)下午3時致電或WhatsApp到報名熱線2760-1162報名，每通電話可報1人，名額10個，如果報名人數多於名額，活動將會以抽籤形式進行，抽籤結果將會於9月22號(星期一) 的熱線通告入面公佈。

如有任何查詢，歡迎致電2760-0100與服務中心職員阿彬或者阿俞聯絡。