中秋節又到，今年我地好榮幸獲得奧比斯送出嘅迷你月餅，俾我地可以轉贈會員。今年名額500個，每位基本會員均可獲得由奧比斯送出迷你月餅兩個（每個重約80克）。 月餅款式會有兩種分別係，麥芽糖醇低糖迷你蛋黃純白蓮蓉月餅，同埋麥芽糖醇低糖迷你蛋黃奶皇月餅，兩款口味將會隨機發放。

想拎月餅嘅會員，由於臨近中秋，請大家係9月16日（星期二）下午3時至9月22日（星期一 ）下午3時whatsapp或致電服務中心報名熱線27601162登記，每通電話可以報2個人，只限基本會員。請注意，如登記人數超過500，中心將以抽簽形式抽出幸運兒。抽簽結果將於9月25日（星期一 ）熱線通告公佈。

中簽的會員可於9月26日（星期五）至10月5日 (星期日) 前往服務中心領取。中心開放時間： 星期一、三及日上午10時至下午6時，星期二、五及六下午1時至晚上9時，星期四及公眾假期休息。

另外是次活動我們亦提供在港鐵站領取的選項，中簽的會員可於10月3日（星期五）下午4點至5點於何文田港鐵站領取。我地會每15分鐘為一個時段，登記時請選擇係邊個一個時段，會員可以指定邊個時段拎，如果無指定，我哋將會按抽籤順序為各位分配時段，請大家根據所選時間地點準時出席。

詳細領取地點如下：

下午4點至5點何文田地鐵站B出口（第2個英文字母）需要出閘上一層扶手電梯有蓋空地領取。
如果需要由其他人代領，請由本人親自通知職員由邊位領取。
祝各位中秋節快樂！如有任何疑問，請致電27600100與服務中心職員阿渝聯絡。