我地同香港愛樂盟扶輪社合辦既瑜珈體驗班嚟到第十八期啦！瑜珈班會以輕鬆形式比大家體驗瑜珈既樂趣，有興趣既會員朋友就要留意啦：

活動會係8月23日，8月30日，9月6日同9月13日(逢星期六)舉行，一共4堂，時間係 早上10點到11點15分，即上堂時間係75分鐘， 地點係位於九龍彌敦道 469-471 號新光商業大廈 17 樓1703 室嘅瑜心舍油麻地分館。參加者需要係活動當日上午9點30分，係油麻地港鐵站C出口大堂(第三個英文字母)集合，到時會有扶輪社義工同大家一齊去瑜心舍上堂，落咗堂就會去返油麻地港鐵站解散。 自己去瑜伽中心嘅會員，請係9點45分去到。

活動費用全免，只限基本會員報名參加。大部分名額會優先比從未參加過呢個班既會員朋友。另外瑜珈涉及全身拉筋練習，建議會員係報名前留意自己身體狀況是否適合上瑜珈班。

此外亦建議大家盡量出席所有課堂。瑜珈班設有舊生後備補堂制度，如果有正選參加者請假，該課堂將會由後備舊生補上，所有參加過扶輪社瑜珈班嘅舊生都可以參加舊生後備補堂制度，而後備亦會進行抽籤排序。

有興趣既基本會員可以係7月26日(星期六)下午3點至8月2日(星期六)下午3點，用Whatsapp或致電報名熱線2760 1162報名，每個電話可以報1個人，名額12個，如果報名人數多過名額，活動將會抽籤，抽籤結果會係8月4日(星期一) 嘅熱線中公怖。如果有任何查詢，歡迎致電2760 0100與職員善善聯絡。