各位會員朋友，大家好，我係今屆4號候選參選人蘇金妹，今次係我第2次參選非指定嘅職位。有2個議題方面，係我特別想喺今屆裏面呢，特別去關注嘅。第一就係醫療嘅收費方面，因為長期病患而導致視覺受損，長期要喺醫院裏面嘅進出，唔容易去搵到一份嘅工作，又要應付龐大嘅醫療開支。區區一份傷殘津貼根本就唔能夠足以去應付。所以，我希望政府喺醫療收費改革方面能夠特別去關注呢一班特別需要照顧嘅會員朋友。另外一方面，就喺房屋問題裏面嘞。好多獨居，而係住喺公共房屋裏面嘅會員，佢哋根本唔會知道大堂裏面張貼咗任何嘅通告，係冇人通知佢哋。故此，我好希望政府去落實一個政策。不論所有嘅經理也好，主任也好，如果知道佢所管理嘅大廈裏面有視障嘅住戶，就必須要對佢哋嘅特別關注，例如幾時停水停電停𨋢，或者係大廈嘅維修，可以用電話嘅形式，或者係WhatsApp嘅形式去盡快通知視障嘅住戶，期望喺協進論壇同埋8月3號嘅會員大大會裏邊，得到大家對我嘅支持。多謝大家。