大家如果要買生活用品通常會去邊度買呢？日本城定萬寧？有冇聽過淘多多呢？淘多多係2022年開始誕生，係香港本地嘅平價雜貨連鎖品牌，全港有12間分店，今次就試吓同大家一齊去尋寶，睇吓係咪真係咁平靚正！
今次分區活動，九龍東同新界東將會一齊去到黃大仙中心南館食炑八韓烤，然後去對面嘅新光中心淘多多黃大仙分店行街，活動日期係7月23日星期三，集合時間係早上11:30去到黃大仙D出口第四個英文字母集合，之後會有義工大大家去位於黃大仙正德街103號黃大仙中心南館地下低層LG01號舖炑八韓烤食午餐，午餐包一個主食同飲品，食飽飽就會過去對面嘅九龍龍翔道120號新光中心2樓淘多多行街，如果想知淘多多有咩買，可以上佢哋嘅Facebook或者係上YouTube搵吓，因為佢買嘅物品種類太多，難以盡錄，簡單嚟講就係任何家品百貨，電子用品、五金、美妝、玩具、家電、服飾、食品或者文具都應有盡有。行到大約下午3點，就會返去黃大仙站解散。收費方面，會員每位$55，非會員每位$135，同行者每位$90。  
有興趣嘅九龍東同新界東分區會員可於7月11日(星期五)下午3點至7月16日(星期三)下午3點，用Whatsapp或致電報名熱線2760 1162報名，每個電話可以報2個人，九龍東名額24個，新界東名額10個。如果報名人數多過名額，就會進行抽籤。抽籤結果會係7月17日(星期四)的熱線中公佈。 如果有任何查詢，歡迎致電2760 0100與職員iris聯絡。