各位會員大家好！黎緊8月會有由康文署主辦，本會協辦嘅水中健體訓練班。玩水之餘，可以鍛鍊肌肉力量與耐力，利用水上器材除左可以增加阻力和心肺功能外，更可促進血液循環及新陳代謝。透過鍛練維持身體機能，可以輕鬆應付日常活動。

活動會喺2025年8月8、15、22及29號逢星期五舉行，活動時間係上午10點至中午12點，地點會喺位於九龍觀塘翠屏道2號嘅觀塘泳游泳池。本次活動費用全免，歡迎本會嘅基本會員參加。參加者需要喺活動當日上午9點30分，喺觀塘港鐵站D出口(即係第4個英文字母)出即閘位集合。

有興趣嘅基本會員可以係7月11日(星期五)下午3點至7月16日(星期三)下午3點，致電或者WhatsApp報名熱線2760-1162報名，每通電話可報1個人。名額12個，如果報名人數多過名額，活動就會進行抽籤，抽籤結果將會係7月17日(星期四)嘅熱線中公佈。

如有任何查詢，歡迎致電2760-0100與服務中心職員阿Sa聯絡。