我係7號候選人袁建明，大丸。本人一直積極參與會務入會，初期就已策劃一個社會服務活動，為會獲得第一屆傷健社會服務大獎。本人一直致力推動會員應用資訊科技，克服視力問題。80年代參與電腦組之後，就一直參與推動電腦組同埋開辦電腦課程嘅工作，並且由於協助本會創辦成教課程而獲得最佳傑出義工獎。90年代，本人獲選咗委員，創辦咗資訊科技小組，為會同埋會員引進外國嘅先進科技，並開始製作本會嘅資訊科技產品。從早期嘅電子報紙天國書僮到點寫易，廣東話版嘅讀屏軟件NVDA，到最近嘅iEasy dot等等，為會獲得唔同嘅獎項，相信亦都為有需要嘅會員帶來咗好多嘅方便。我已經連續獲選執行委員超過30年了，即使喺會務最困難嘅時間，亦都堅持為大家服務。其中我擔任過唔同嘅工作，獲益良多，今屆希望能夠獲得大家繼續嘅支持，使到本人能夠以過往所學所得繼續為大家服務。為製造更多資訊科技嘅產品，同埋呢個無障礙嘅環境繼續努力，為推動會務同埋盲人自助嘅運動作出更多嘅貢獻。請大家投我7號候選人袁建明大袁一票。多謝。