各位會員，大家好，我係執行委員，非指定職位6號候選人吳嘉明。協進會對我嚟講係一個充滿回憶，滿載歸屬感嘅地方，我仲記得細細個幾歲嘅時候咧，每個星期六都會嚟當其時嘅教資中心補習嘅，相信有好多資深嘅會員都做過我嘅補習老師添。當其時補完習之後呢就會成班同學仔喺教資中心裡邊一齊玩啦，一齊食飯啦，當其時真係好開心㗎。今次係我第一次尋求連任。過去兩年，我喺執委會裏面呢，確實學咗好多好多嘢，由最初嘅摸索期去到我嘅適應期呢，無論喺權益倡議方面啦，喺職業教育方面啦，我都係非常之樂意同每位持份者去細心傾聽，跟住呢用心去拼搏，務求呢達到最好嘅效果，喺未來兩年，我都好希望可以用嘅所見所長繼續為協進會為每個會員去服務。亦都好希望更加多機會同會員同埋同事去交流。選情實在告急，所以呢，我好希望你可以喺8月3號親身嚟到會員大會，將你對我嘅信任投下決定性嘅一票。你嘅一票呢確實非常重要㗎，所以再次懇求大家喺8月3號投我吳嘉明，6號非指定職位執行委員一票，多謝你。