各位會員，我哋職教中心桌遊組會舉行認識德州撲克嘅遊戲，德州撲克好多人又稱打Poker，係全球最流行嘅撲克牌遊戲之一，玩法類近鋤大Dee。每位玩家會獲發2張底牌，然後枱面會有5張公共牌，大家要用自己手上嘅2張牌加上公共牌，組成最佳5張牌組合。最後牌型最大嗰位就贏晒枱上所有籌碼，過程中可以下注、加注、棄牌，好考策略同心理戰。如果想認識更多有關Poker嘅玩法，又想度過一個刺激嘅下午，就要留意活動詳情喇！
日期：2025年7月19日（星期六）
時間：下午二時三十分至下午四時三十分
名額：8人
費用：全免
如對上述活動有任何查詢，歡迎致電23372736與Tommy聯絡。 希望活動當日見到大家啦！
參加活動之後，都歡迎各位加入我哋桌遊組，如果大家都有其他桌遊想介紹比其他會員一齊玩下，都歡迎隨時提出㗎！