各位員朋友，大家好，我係2025至27年度執行委員會非指定職位，2號候選人嚴俊安Peter。 唔驚唔覺擔任執委嘅角色已經有4年啦。 過去4年，我就住權益倡議、教育同埋就業、生活議題上，盡可能讓會員爭取最大嘅權利。雖然呢，知道我嘅力量係微不足道，而且往往喺就業方面以及權益倡議方面呢，遇到重重嘅挑戰，但係呢一份嘅挑戰，我有信心喺來屆執委嘅角色上會做得更加好，特別係你哋嘅聲音更為重要，因為直至現在今日2025年嘅下半年，無論喺出行方面，包括巴士報站係統，到就業方面，往往好多僱主都係因為對視障人士嘅誤解，而令到視障人士失去咗一個公開就業嘅機會。以上兩個例子都只係冰山一角，所以無論你而家係翻緊工，定係已經退休，你哋嘅意見係不可忽視嘅。我會有信心繼續盡我一切嘅可能，喺來屆嘅執委做到更加好，為求爭取就業、教育同埋權益倡議嘅三方面。所以懇請你哋支持我2號候選人嚴俊安Peter神聖一票，你哋嘅票事關重要，多謝你哋。