各位會員朋友，大家好，我係2025年執行委員非指定職位候選人5號鍾智明。好開心，能夠喺過去嘅呢兩年能夠成為執委會嘅成員，盡一點嘅綿力去推動會務嘅發展。嚟緊，如果我能夠成功當選嘅話，我希望可以實踐到以下嘅目標。一，希望繼續鼓勵會員朋友善用資訊科技去改善生活，無論喺學習、工作、娛樂方面，我哋都能夠可以獨立地使用唔同嘅科技去幫助到我哋。第二，近年我哋有好多年長嘅會員朋友加入，成為我哋協進會嘅大家庭，希望嚟緊我哋可以招聚到呢一班嘅會員朋友，能夠推動會務嘅發展。雖然佢哋可能係退咗休，但佢哋嘅豐富嘅人生經歷，一定可以幫助到我哋去爭取一啲嘅權利權益，作為我哋倡議工作嘅其中一個團隊。藉著佢哋嘅參與，都希望可以讓社會知道我哋能夠享有平等嘅機會，同埋獨立嘅生活。希望大家能夠投我神聖嘅一票，多謝。