各位會員，大家好，我喺25至27年度執行委員會選舉指定職位候選人11號常務秘書候選人吳秉東。時間過得好快，阿東擔任咗行委員已經8年，過去兩屆都係擔任常務秘書嘅職位。今次係阿東角逐第3次嘅常務秘書嘅職位。喺未來兩年阿東會推動會籍嘅檢討，讓會籍檢討嘅制度可以更完善，過去兩年收集咗唔少會員嘅意見，但未取得一個共識，希望未來兩年能夠取得共識，令到會籍嘅制度可以更完善。其次會不斷推動公眾教育大使嘅水平提升，定期舉辦工作坊，讓公眾教育大使去參與，讓佢哋代表會到中小學或者企業做公眾教育服務嗰時，讓公眾更認識會嘅精神。第三，會推動執行委員會同埋下面嘅附屬委員會提升透明度，讓會員能夠監察執行委員會或者附屬委員會嘅委員工作情況。第四就係讓更多公眾人士認識視障人士嘅能力。各位會員，希望未來兩年大家能夠繼續支持阿東喺常務秘書嘅職位嘅工作，多謝各位。