各位會員朋友，大家好呀，我係1號候選人鄧婉薇，今次參選2025至2027年度香港失明人協進會執行委員會選舉嘅職位係非指定職位。今次我參選嘅政綱有以下5點，第一，關顧會員長者嘅日常生活，加以適切嘅協助。第二提供適切嘅支援服務比新失明嘅朋友，讓佢哋能夠盡快適應視障之後嘅生活，重拾信心，重投社會。第三，提高會員朋友對於資訊科技嘅運用，以協助日常生活。第四，凝聚會員推動會員積極參與會務。第五，積極推動公眾教育，讓社會各階層人士認識視障朋友嘅潛能、能力同埋需要建設共融社會。過去兩屆，多謝各位會員朋友嘅支持，讓我能夠有一個機會喺香港失明人協進會呢個大家庭，執委會裏面工作同埋服務。嚟緊嘅一屆，希望各位會員朋友繼續支持我1號候選人鄧婉薇，繼續為大家服務，多謝。