各位會員朋友，大家好，我係2025至27年度執行委員會選舉非指定職位3號候選人施恩傑。有好多會員朋友都會向我分享日常使用無障礙設施嘅情況，同埋意見。呢個都係我好重視嘅部分，所以當我知道屋宇署將會喺下年嘅第一季推出全新嘅設計手冊嗰陣，我就善用唔同嘅渠道反映意見。當中，喺協進會大家比顧問公司嘅建議書嗰度，接近有一半嘅建議，都係由我去撰寫。另一方面，當我喺澳門試用過視障助乘巴士嘅車外報號功能之後，我覺得喺香港都係非常之適合，同埋需要。於是我成功組織咗平參會過去澳門同當地嘅政府官員同埋開發商做官式嘅交流，返咗嚟香港之後，亦都有立法會議員持續幫我哋去跟進呢一個嘅議題。60年嚟協進會爭取平等、機會同埋獨立嘅棒從未放低過，我希望嚟緊可以繼續喺執委嘅崗位延續呢一份嘅精神，希望大家8月3號嘅時候可以投我3號施恩傑神聖嘅一票多謝。