各位會員，大家好，我係10號候選人陳志剛Alex。今屆參選嘅職位係執行委員指定職位，副會長一職。過去4年，我都係擔當呢個職位嘅。咁記得 2021年開始做副會長嘅時候，咁啱又係疫情啦，有好多挑戰，好多未遇過嘅事情發生，無論係同事又或者會員，當其時呢，都有好多嘅情況，係需要協會支援嘅。跟住過去嗰兩年咁啊復常之後又有好多不知名嘅因素，尤其係社會嘅經濟環境啦，咁啊，今屆咁我繼續參選副會長呢個職位。未來兩年有一個好大嘅挑戰，相信就係協會喺資源上邊嘅一啲分配啦，又或者我哋能夠用到嘅資源可能又有更多嘅限制。希望嚟緊呢屆我可以除咗喺會務上面繼續發揮，繼續盡力咁為大家服務之外，希望喺嗰個籌款方面都可以再出一分力。希望可以帶動會員、義工或者唔同嘅人士繼續去支持我哋協會。最後，多謝會員同咁多位同事，過去兩年嘅努力同合作。未來兩年都係要靠大家一齊同我哋協進同行。