Hello Hello大家好。早前出過一個通告問下有無人中意睇高達動漫或砌高達模型，發覺原來都有唔少喎。所以黎緊職教中心會開一個高達模型小組，同大家一齊試砌一隻1比48嘅Mega size高達或渣古模型，過程中我地會試下做剪件後打磨水口、滲線、噴消光之類簡單加工工序，美化一下我地嘅製成品。

小組將於7月開始，按我地步調約聚會，期望4至6節完成我地舉行地點嘅成品。地點一般為職教中心，小組名額、年齡不限，小組成員將加入whatsapp群組，聚會於群組中約日期，夠一定人數就會開一節一齊砌一部分。如果大家有興趣加入，可於即日至7月16日星期三下午6點或之前親臨或致電職教中心23372736報名。

如有查詢，可與職教中心Eddie聯絡。希望到時見大家，一齊砌模型啦！