各位會員，大家好，我係2025年執行委員會選舉會長候選人9號嘅黃俊恒。過去兩年，我同執行委員會推動協進會嘅會務穩定嘅發展，帶領協進會走過後疫情嘅時期，繼續服務香港嘅視障人士。未來嘅兩年，我希望延續我哋嘅工作，繼續為視障朋友爭取機會同埋權利。要做到呢一點，我覺得我哋需要將協進會嘅品牌繼續做好，令到我哋喺復康界，喺視障界，甚至係整個香港社會嘅裏面，能夠有好嘅聲譽，爭取更多嘅支持同埋資源去推進會務。要做到呢一點，我認為呢，我哋需要喺前人嘅基礎嘅上面精益求精，按照時代嘅需要，繼續嘅去完善，繼續嘅去改革。我哋亦都需要建立一個理想嘅環境，俾我哋嘅會員、同工同埋義工去發揮各自嘅才能，按照我哋嘅興趣去服務協進會唔同嘅地方。為達到呢一個目標，我會喺協進會裏面建立互相欣賞，彼此嘅尊重，同埋互相關愛嘅一個嘅文化，希望大家都能夠支持我，支持新一屆嘅執行委員會繼續去努力實踐平等、機會、獨立嘅宗旨。多謝大家。