各位會員大家好！唔知你有冇試過喺日常生活中，發現社會設施唔夠無障礙，或者公共服務對視障人士唔夠友善？好多時候，我哋都未必知道可以點樣反映意見，甚至唔知道自己有權利去爭取改善。為咗改變呢個情況，協進會將會舉辦「倡議教育工作坊」，希望透過呢個活動，讓大家知道自己唔止係參與者，更可以成為推動改變嘅倡議者。

活動會以互動學習為主，配合真實個案分析，幫助大家學識點樣分辨權益問題，掌握基本倡議技巧，並且深入了解協進會同平參會嘅宗旨同定位。無論你之前有冇相關經驗，只要你對推動視障人士權益有興趣，都非常歡迎你參加。

「倡議教育小組工作坊」將於8月8日（星期五）晚上7點至9點，喺職教中心4號房舉行，屆時將有茶點招待。活動名額有10位，採取先到先得形式，報名截止日期為8月1日。有興趣嘅會員可以打去23390666聯絡Polar登記。