大家平時出街嘅時候會唔會留意到而家多咗好多夾公仔嘅店舖呢，如果大家都想試吓呢樣近排咁流行嘅玩意，可以留意吓以下呢個活動。
今次我哋會喺2025年8月18號星期一，下晝2點至5點，由天水圍仁濟醫院第24屆董事局社區服務中心嘅青少年朋友，同大家一齊去天水圍置富嘉湖2期1樓132-135舖的TOPSY (天水圍店)試玩呢個玩意。活動當日的集合時間係下午2點，喺天水圍港鐵站B出口（即係第2個英文字）出閘位置集合，然後轉乘輕鐵去銀座，再步行去夾公仔店。活動完結後，大概5點就會同大家返天水圍港鐵站解散。由於呢個活動由仁濟醫院第24屆董事會服務中心贊助，大家會有$50嚟進行呢個夾公仔活動。本次活動費用全免。

如果各位基本會員有興趣嘅話，可以喺7月18號星期五下晝3點至7月25星期五下晝3點，致電或者WhatsApp報名熱線27601162報名。名額6個，如果報名人數超過名額嘅話就會進行抽籤，抽籤結果將會係7月28號星期一嘅熱線中公布。

如有任何查詢，致電2760 0100同服務中心職員阿Sa聯絡。