各位會員大家好！平時我地嘅活動得以順利進行，義工朋友都擔當住好重要嘅角色。為咗可以令新訓練嘅義工更有信心踏出佢地嘅第一步，開始參與我地嘅服務，所以出現左新義工系列。通常活動會舉辦一啲簡單嘅烘培或者手作工作坊，令會員同新義工可以互相認識之餘，新義工都可以實踐義工訓練技巧。

木糠布甸就食得多啦，Oreo 木糠布甸又有無整過呢？今次我地就 一齊Oreo 木糠布甸，試下新野啦！
活動會係8月16日(星期六)舉行，活動時間係下午2點至4點半，地點係愛民服務中心。參加者需要係活動當日下午1點45分，係何文田港鐵站A出口(近美心餅店位置)集合，到時會由新義工同大家一齊行去服務中心。活動只限基本會員報名參加，收費每位10元。

有興趣嘅基本會員可以係7月29日(星期二)下午3點至8月5日(星期二)下午3點，致電或者WhatsApp報名熱線2760-1162報名，每通電話可報1個人。名額6個，如果報名人數多過名額，就會進行抽籤，抽籤結果將會係8月7日(星期四)嘅熱線中公佈。

如有任何查詢，歡迎致電2760 0100同服務中心職員善善聯絡。