各位會員，唔知大家有無去做身體檢查呢？本會好高興獲金門建築贊助，將於2025年8月13日（星期三）在職教中心免費為各位會員朋友做一次簡單身體檢查。當天會有註冊護士幫大家量血壓，督手指驗血糖血脂，仲可以即時知道結果。如果對自己身體狀況有疑問，仲可以即時提出查詢，讓大家更了解自身健康情況。呢個流程大約需時5至10分鐘，所以會員朋友黎到後有機會都要等一等，要麻煩各位會員耐心等候啦。

除咗身體檢查外，當天仲會有一個⁠Gelato意大利雪糕派對，每位完成檢查後的會員朋友都會獲贈一杯意大利雪糕，讓大家放鬆一下心情。有三款口味可以選擇，包括開心果，tiramisu及海鹽曲奇。

活動詳情：
日期： 2025年8月13日（星期三）
時間：
選擇1（第一時段）：下午2時至3時。
選擇2（第二時段）：下午3時至4時。
選擇3（第三時段）：下午4時至5時。
地點：觀塘職教中心。
名額：30名。
費用：全免。
內容：
1. 註冊護士量血壓，督手指驗血糖血脂（即時出結果），健康查詢。流程大約每人5至10分鐘。
2. ⁠Gelato意大利雪糕派對

呢個活動係咪好吸引呢？有興趣的會員朋友可以由8月1日（星期五）上午10時開始至8月6日（星期三）下午3時前致電行政辦事處、服務中心、職教中心報名。每個電話可以報2個人，名額30個，如果報名人數多過名額，活動將會抽籤，抽籤結果會於8月7日(星期四) 嘅熱線中公怖。報名時請向同事說明希望選擇的時段，但未必一定能安排得到。

活動當日以預先登記者優先，但如當日尚有餘額，會開放予即場登記人士，先到先得。

大家如對上述活動有查詢，歡迎致電23390666與行政同事聯絡。